亞視聽晚6點透過手機App同OTT網上平台復播，會喺大埔亞視總台舉行大型開幕典禮，亞視會先喺晚上6點至7點直播酒會情況，到晚上7點至10點就會《亞洲電視數碼媒體啟播典禮》，林子祥、任賢齊同韓星南太鉉擔任表演嘉賓。
據《蘋果》收到嘅消息，亞視聽晚請咗100幾位嘉賓出席，包括入主咗有線寬頻嘅董事局（非執行）主席邱達昌、王維基、蔡志明、陳妙瑛、夏春秋、蘇錦樑、馬逢國、徐小明、黃百鳴、夏韶聲、李道洪、陳維英、黎文卓、向雪懷、詹秉熙、黃柏高等等，最特別嘅，係以前成班無綫《歡樂今宵》拉隊去賀亞視開台，包括蔡和平、杜平、何守信、陳欣健、盧敏儀、吳麗珠、葉尚華、余慕蓮、丁羽等等，真係好熱鬧。亞視CEO吳雨以前係EYT出身，曾經係EYT最高話事人，又難怪咁多EYT藝人嚟到賀。
另外，據知表演嘉賓方面有李龍基、柳影虹、劉雅麗、J.Arie同KellyJackie等等。
公眾號：我愛TV逼，更多粵語資源
視頻搜集來源於網絡
