最低14℃!今夜大风冷空气光波来临!唔够100斤嘅澳门人麻烦行开啲!

2020-08-10 14:59:40

Halo Everybody~

今日早上可以話係非常之熱啦！

大喇喇27°C

噚日錄得廣東全省一片紅bobo

加上咁樣嘅天氣已經持續咗好多日啦

又唔落雨

小Pe已經著上咗短袖

仲食埋雪條

真係慘豬豬

但係！！

BUT！！！

原本小編已經收起身嘅長袖衫！！

今晚又要摞翻出嚟著！！

一陣冷空氣光波嚟緊！！

今晚到達！！！！

啱好係清明節期間！

今晚開始氣溫將下降至最低16℃！

會有一兩陣雨

而聽日（禮拜六）

最低氣溫更只有14℃！！

大家記得帶多件衫！！

要提醒下大家今次嘅“光波”風速幾強

陣風高達8-9級

所以比起降溫同落雨

風力嘅影響會更加大

咁大風又大雨要注意啲咩事項？？

1.行路渣車儘量避開“狹管效應”

要注意行路、渣車嘅時候少啲行高層樓之間嘅小巷通道。因為小巷通道會形成“狹管效應”，風力喺通道中會加大，從而對路人帶嚟一定嘅危險。

2. 唔好喺廣告牌同老樹下逗留

有啲廣告牌由於安裝得唔夠堅固，喺強大風力嘅作用下好有可能會倒塌；而一啲老樹嘅樹幹已經枯死，根基唔牢固，亦都有可能喺大風天氣中斷裂，對行人造成一定嘅危險。

3.要注意輕型車嘅安全

由於輕型車嘅重量比較輕，所以喺高速行駛嘅時候可能被大風掀起。應該喺輕型車上放一啲重物，或者慢速行駛。

4.要注意儘量少渣電單車

因為在大風天氣中，順風或逆風雖唔會對渣車造成太大嘅危險，但喺一旦側風向騎行，就好有可能被大風刮倒，造成身體嘅損傷。

5.外出做好防護工作

要注意攜帶口罩、紗巾等防塵用品，以免沙塵對眼睛同呼吸道系統造成損傷。

網傳一張體重對付風力嘅等級

你可以到達幾級？？？

小編我只有7級（嘻嘻我冇講大話）

以上純屬娛樂hahahaha

大風面前大家最好都係留係屋企

打打機睇睇電視

最重要嘅係！！！

儲多啲零食嚟“葛優躺”！！

（本文圖片分享自網絡）

“近期熱帖速遞 ”