✿✿✿✿
DD为您推荐Shine粤语歌曲
Shine红馆演唱会嚟到尾场，天佑同又南施展浑身解数表演，天佑化身白马王子solo之后，到又南化身Rock友攞起结他翻唱黄贯中嘅《无得比》及Linkin Park嘅《What I ‘ve Done》，，再次证明会乐器嘅男人特別有魅力，佑南谦虚说：
我知道我冇原唱者唱得咁好，但我真系好想分享我钟意嘅音乐，希望大家支持我！
为了这一身肌肉，他们苦练多时！
接住到二人「show肌」环节，天佑同又南都脱去上衣，展示苦练多时嘅成果。天佑模仿森小龙耍双截棍，又南跳钢管舞展示力量嘅一面，全场女粉丝为之疯狂，又尖叫又「揼」地，令红馆出现第二波地震。
女乐迷大饱眼福！
全场热血沸腾过后，首队嘉宾at17登场，同Shine合唱《曼谷码利亚》，其后台上放出四人同期出道初参与颁奖礼嘅照片，卢凯彤话：
你哋个样冇变，系变身材啰！
《曼谷玛莉亚》 (Shine - At 17) @ SHINE MOMENTS LIVE 2018：
随即四人开始妙问妙答，妙语连珠过后，Shine把舞台交俾at17唱出《The Best Is Yet To Come》，简单一支木结他，加上Ellen同二汶的歌声令大家浸没清新抒情嘅氛围之中。
at17加Shine这个配搭真是很新鲜！
Shine再次登场化身「金银润」，唱出《熊猫》、《旧生会旅行》、《两个龙卷风》，满场跑同观众握手，粉丝们都走到台前等待近距见偶像。
两人不停和乐迷自拍！ (江智骞摄)
演唱会惊喜一浪接一浪，到另一个8、90后回忆组合Twins压轴出场，同Shine合唱《明爱暗恋补习社》，令人回到「做女嗰个年代」。，岂料阿Sa大爆：
天佑真系同我初恋男友好似样！
令全场粉丝哗然。
《明爱暗恋补习社》 (Shine - Twins) @ SHINE MOMENTS LIVE 2018：
天佑就忆述当时阿Sa变得非常健谈：
当时讲宵拍完戏，一齐坐保姆车嗰阵，阿Sa系咁同我倾偈，嗰下我觉得「咦，原来佢咁健谈」！
一轮欢笑声过后，Twins返回后台，Shine更答应下次Twins开演唱会担任嘉宾，有来有往。
阿Sa大爆天佑像自己初恋男友。 (江智骞摄)
《天又蓝》、《十八相送》、《俗》及《燕尾蝶》《鼎鼎大名》等大热作品留到最后一节唱出，出「绝招」哄粉丝，岂料呢次有「真Encore」。
《燕尾蝶》 (Shine) @ SHINE MOMENTS LIVE 2018：
正当粉丝听完《鼎鼎大名》准备离场之际，天佑同又南再次上台唱出《劲爱你》，杀粉丝一个措不及，最后演唱会于晚上11时半结束。
不知下次何时才再开show呢？ (江智骞摄)
Shine完场接受访问时，被问到天佑像阿Sa初恋男友一事，佢哋都係今日先至知，阿Sa亦有给照片佢哋睇，不过天佑看完觉得唔太似：
其实唔係话好似嘅，阿Sa话后生嗰阵似啲㖞！仲有阿娇话好少见到阿Sa咁多嘢讲，原来係因为阿Sa觉得我似佢初恋男友先咁多嘢讲，觉得好有亲切感！
二人接受访问时都说自己有「Show后失落症」。 (江智骞摄)
另外问到，既然二人都有「Show后失落症」，那会否喺不久将来开较小型嘅演唱会「止痒」？又南说：
其实有谂过开Tour嘅，原定一切都仲倾紧；而且依家都想keep住做新歌，等人哋留意到Shine其实一直都活跃嘅，想储多啲歌先！
